8-9 ივნისს ლიტვის დედაქალაქ ვილნიუსში გაიმართა ნექსია ინთერნეშენალის ევროპის 2018 წლის კონფერენცია, რომელიც ქსელის წევრ ოფისებს შორის გამოცდილების გაზიარებასა და ახალი პარტნიორული ურთერთობების ჩამოყალიბებას ისახავდა მიზნად. ქსელის წევრ კომპანიებს შესაძლებლობა ჰქონდათ კონფერენციის მონაწილეებისათვის გაეზიარებინათ მათთვის საინტერესო თემების შესახებ ინფორმაცია.
„საქართველოდან აღნიშნულ ღონისძიებას ნექსია თიეის მმართველი პარტნიორი ბატონი დავით ლომიძე ესწრებოდა, რომელიც დამსწრე საზოგადოების წინაშე საქართველოს, ნექსია თიეისა და ნექსია თიეი აკადემიის შესახებ მომზადებული პრეზენტაციით წარსდგა. ბატონმა დავითმა საქართველოზე ისაუბრა როგორც განსაკუთრებული პოტენციალის მატარებელ ქვეყანაზე ეკონომიკისა და ტურიზმის ზრდის მაჩვენებლის მიხედვით, ასევე განიხილა მიმართულებები, რა სახითაც ნექსია თიეის შეუძლია ითანამშრომლოს ქსელის წევრ სხვა კომპანიებთან. პრეზენტაციამ ღონისძიებაზე დიდი მოწონება დაიმსახურა, რის შედეგადაც ნექსია თიეი და საქართველო ღონისძიებაზე უკონკურენტოდ შეირჩა ევროპის 2019 წლის კონფერენციის ჩატარების ადგილად.
ნექსია თიეის მმართველი პარტნიორი ბატონი დავით ლომიძე: „ნექსია თიეი უკვე 4 წელია ნექსია ინთერნეიშენალის ოფიციალური წარმომადგენელია საქართველოში და ქსელში შემავალი კომპანიებიდან ერთ-ერთ გამორჩეულ წევრად მიიჩნევა. ამ 4 წლის მანძილზე კომპანიამ შეძლო და რეკორდული სისწრაფით ზრდის ფონზე 2017 წელს 650 ოფისს შორის წლის კომპანია გახდა. ასეთი შედეგების შემდეგ კი გასაკვირი არც იყო, რომ 2019 წლის ევროპის კონფერენციის ჩატარების ადგილად ხმათა აბსოლიტური უმრავლესობით საქართველომ გაიმარჯვა.
ჩვენ აუცილებლად გამოვიყენებთ ამ შესაძლებლობას და მომავალ წელს ვუმასპინძლებთ საერთაშორისო ღონისძიებას, რომელსაც ევროპის ქვეყნები დაესწრებიან. სიმბოლურია, რომ ნექსია თიეი ევროპის 2019 წლის კონფერენციას კომპანიის დაარსებიდან 5 წლის თავზე უმასპინძლებს. ეს შესანიშნავი შესაძლებლობა იქნება, როგორც ქვეყნის უმაღლეს დონეზე წარმოსაჩენად, ასევე ნექსია თიეისათვის კიდევ უფრო მეტი საერთაშორისო კავშირისა და პარტნიორული ურთიერთობების დასამყარებლად.“ „- განმარტავენ კომპანიაში.
